يستاهل ابو بدر

وعسى الطيبين كلهم من ربعنا

تشرفت في المقاله الطيبه والرجل الطيب

ونبي من انتر ويلان يستمرون على هذا النهج

ويطلعون كل طيب من القبيله

ويعرفونه عليه

وهذي البادره الطيبه ماهي غريبه على عيال وايل


وارجع واقول الله يبيض وجه نايف الزارع

والقائمين على الموقع

ونعم من رجل ابو بدر ويستاهل كل خير وشهدتى فيه مجروح رجال خلوق ومحترم وتاج ينحط على الراس

والله يابو سيار ما كتبت الا في رجال يستاهل

ورجال اعرفه عن قرب

وماعنده الا الحميه والفزعه والكرم

نايف الزارع

بجد بجد هو مفخره للقبيله ولعيال عمه


بعد اذنكم ابي اسرق الصوره

واقول هذي صورتي ايام العشرينات






وتحياتي لابو بدر ولك يابو سيار

كفيت ووفيت يا اخ احمد سيار حقاً ان هذا الرجل كبير باخلاقه وكرمه وغاريته الوائليه التي عرفتها عن ابو بدر ( نايف الزارع ) ،عرفت نايف الزارع من مده ليست بـ قصيره فهو نعم الرجل والأخ والصديق ودائماً يفعل ويعمل بصمت ليس لشيء بل لوجه الله تعالى فهو من اسره كريمه وأبو بدر عرف عنه التواضع وطيبت القلب وحقا


كفيت ووفيت يا ابو سيار

نايف الزارع

على راسي من فوق

والله هالرجال مافي عنزي نزل انتخابات الا وفزع معاه سواء بجميعه او نادي او بلدي او امه

ويكفي طوفة بيته صارت طق مطاقق عليها من الاعضاء وكل عنزي يبي يعلق على بيته ومخالفات البلديه شغاله عليه وعمره ما قال لا ولا شكى ولا عمره قال عطوني ولا ادفعولي

كفو والله يا نايف

وهذا قليل في حقك ونبي الكثير من الموقع لك


لو تموت ما راح اقولك أسمي

يستاهل كحيلان

وهذا قليل في حقه


نايف على كل الرجاجيل نايف

بالفعل سطر نايفات الرجاجيل


ناصر العنزي

ماقصرة يبن مقحيط ياخو وضحه ياسيف عنزه
وبالنسبه لبو بدر هذا عين عنزه نايف الزارع ابو بدر اشهر من العلم
وتقبلو خالص شكري يالويلان وكل الي قائميين على الموقع

كفؤ والله يا ابو بدر

هذا عشمنا فيك رافع راسنا بافعالك الطيبه

عيال >> مخروم الاذن :-
عبدالله منصور ثامر العنزي
نايف منصور ثامر العنزي
عبدالعزيز منصور ثامر العنزي

يستاهل ابوبدر وهذا اقل من حقه لان المساحه والموقع للامانه ما يكفي اذا نبي نتكلم بحق هذا الرجل_لانه والله علي ما اقول شهيد نظيف اللسان والنيه والذمه وهذا الكلام من واقع تجربة_وعسي الله يبارك له بالبيت الجديد واقول جعله منزل مبارك وعسي الله يجمعكم ببيت في الجنة انت واهلك ووالديك ومن تحب(اكيد انا منهم)
واتمني له التوفيق والسداد في كل خطواته..........

أتمني ان تكون ممثلنا في؟؟؟؟انت تدري وين

اتمني ان اكون وفيت ولو بجزئ بسيط بحق البدر ابو بدر

ممكـن اعرف الاخ شنو قدم !! عشــاان ينذكـر بهذي الصـوره ؟

بصراحه ما اعرفه ياليت نشوف شنو انجازاتـه . . // )


واقتراح اخـر . ياليت يكون فيه منتدي بلموقع هـذا .. عشــاان مايشعـر الزائـر انـه في موقـع ، ، لايستطيع طرح رايـه فيـه . وبـ هـ الصوره اشبهه هلموقـع . بـ المتفـرد . فـي اطروحاتـه .. دام هذا الموقع يسيـر بهذا الاتجاه . صدقوني راح يصيـر من سيء الي اسوء . ياليت يكون في مجال للاخوان جميعهم حق المشاركـه فيـه .. ولايصبح حكر علـي الاخ احمد سيار وربعـه الخاصيـن فقـط

ثـانيـاً .. .. يـاليت شوي نرتقـي فـي الحوار .. ويصبح الموقع جدي . ! .. [ كرمال عيون ] < وين قاعـديـن !!


اذا انتم اتقبلون هـذا الراي . كما نص الدستور الكويتي فـي الماده [ 36 ] ..
نرجو ان يطلع هذا التعليـق ..

كويتي
وكل هالردود اللي فوقك ما عرفت ليش يمدحون نايف
وكل هالردود ما خلتك تعرف انهم كلهم يعرفونه ويحبونه
ومن المفروض انك تفرح اذا شفت واحد من ربعك البعض يتفق على حبه فما بالك بأن الجميع متفق على حبه
بعدين اذا انت ما تعرف نايف الزارع والله مشكلتك انت
وياريت تجي وتعلمنا انت كم عنزي تعرف وكم عنزي نقوله ونعم بأسمك واتمنى الاداره تحطك مدير للموقع ونشوف تقدر تدير الموقع
تقدر تدفع تكاليف الموقع سيرفر وتصاميم وتصوير ودعم فني وكل عرس تطلع مصور وتصور وتصور الدحه وتنزلها
الواحد يصير عندهم عرس يالله يالله يحضر في بالك ابو عبدالمحسن حاضر عروس ربعه كلها وعزياتهم كلها وبيض الله وجه على الفكره وتنفيذها رجال ماحط ايده على المركى وقعد يضرب سوالف
ياخي بس الاعلانات اللي ينزلها بالجرايد مع مواقع القبايل ترفع الراس
بس ما اقول الا لبو عبدالمحسن والله ما الومك لما يصير الموقع حكر مثل ما يقولون
لأني مو قاعد اشوف الا اجتهاد فردي

اما نايف الزارع
ياخي كل انتخابات يدفع غرامات اكثر من ثلاث الاف دينار بسبب صور مرشحين عنزه اللي كل من جاء وعلق صورته على بيت نايف من زود الميانه وبعد الانتخابات ما يطيح فيها الا ابو بدر ودايم مرتكي للحمول الكبيره اما تجيني انت ومسجل نكك كويتي وتقول وش نايف الزارع نقولك حط بالقبيله مثل نايف الزارع اربع وشف كيف تتسنع امور القبيله

نايف الزارع

اشهد انك نوماس يابو بدر

وعلمك غانم لو حاول البعض تمزيق القبيله

الا انك تاج فوق روسنا كلنا

وصدقني يابو بدر انك دواء للجرح

ويا بخت طول هالوقت لقينا واحد ما يحبك ... عفواً قصدي ما يعرفك

كويتي

شكلك مالك ذكر بالموقع

وعشان جذي صاير ديمقراطي وتذكر اسم الماده بعد

اترك عنك مادة الدستور [ 36 ]

ودش مع ربعك وخل الرجاجيل تعرفك

وأفرش لربعك وهم يغطونك

واكيد انتر ويلان وابو عبدالمحسن ما راح يقصرون اذا شافوك تستاهل النعم او اللي حواليك يستاهلون النعم


نايف الزارع خذ هذا لك

هههه افرش لـ ربعي ويغطونـي حلوـه منـك ..

وخيـر دليـل علي ذلك ملتزمـون !!

انتهـى دور القبيـله والفزعـه .. نحـن الان نريـد تجمـع افكأر واراء ابناء القبيـله . نـرى مـن يملك المنـطق والحجه .

الان ياعزيزي . لو حصـل لك شي لاسمح اللـه . صدقني لاتجـد اقرب الناس يوقفون معـك . فكيف تريد قبيله تفزع لك .. الادوار تقلصت في الواقت الحالي والسبب لكثره المشاغل ..


ثـانيـاً ، اريـد ان يكون منتـدي .. حتى يشارك الكـل فيـه .. ولايكون المـوقـع لشخص والموقع بـأسم القبيـله فكيف موقع بأسم قبيـله والذي يضع المشاركات شخص واحـد ؟ والنعم في احمد . ولكـن يجـب فتح منـتدي . كل من اعرفه اسئـله عن الموقـع .. ويقول لـي زرتـه مره او مرتيـن . وينفـر من المـوقـع لانـه ياعزيزي موقـع منـفر . يشعـر فـيه الانسـان بأنـه لايستطيع ان يعبـر ويكتـب علـي هـواه . . افضـل ان يكون منتـدي واسـع وشامل اقتصـادي وسياسـي .. اجتماعي وثقافـي .. حتـي لايشعـر الاخـرون بـ الضلم ويستطيعون المشاركـه . فيـه ..

ودمتـم بخيـر وصحـه . .

الحمدلله الذي جعل الكلام لنعبر به عما في القلوب


ويشهد الله إن شهادتي في هالرجال شهادة حق


فهو رجل بكل مقاييس الرجولة

ووقفاته وقفات رجال


وأنا لي موقف شخصي

رجال ما قصر معاي

وهذي مو غريبه علي أبو بدر دايم سباق الي الطيب والفزعه

وجعله الله في ميزان حسناته

ويستاهل أبو بدر كل خير

يستاهل كل خير ابو بدر ونعم من رجل وتاج ينحط على الراس